Saltar ao contido principal
Asociación de Antigos Alumnos e Amigos da Universidade de Santiago de Compostela

  Asociación de Antigos Alumnos e Amigos da Universidade de Santiago de Compostela (ALUMNI USC)

sede Asociación

 

 

 

 

 

 

 

 

 

 

 

 

 

 

 

 

 

 

ALUMNI USC é unha entidade con personalidade xuridíca propia, privada e sen ánimo de lucro, constituída o 24 de febreiro de 1996.

Nace co ánimo de relacionar a Universidade coa sociedade, de fomentar o encontro de antigos compañeiros/as de estudo e de relanzar de novo o vínculo destes antigos alumnos coa Universidade.

 

 

Federación Alumni España

Boletín de Noticias nº 20, de 31 de marzo de 2018

 

XXIII Asemblea Xeral Ordinaria

Celebrarase o venres, 15 de xuño, ás 18,00 h en primeira convocatoria e ás 18,30 h en segunda, no Salón de Actos da Facultade de Filosofía (Praza de Mazarelos).

 

XII Premio de Relato Curto

O xurado do XII Premio de Relato Curto, cuxo prazo de envío estivo aberto entre o 15 setembro e o 15 decembro de 2017, para @s autor@s que se axustaran ás Bases da convocatoria, estivo formado por Xesús Fraga (un dos dous redactores da sección "Cultura" de La Voz de Galicia), Raquel Fernández Rodríguez (médica e socia de Alumni USC) e María González Blanco (diplomada en Educación Musical, licenciada en Pedagoxía e gañadora do XI Premio de Relato Curto). Os tres membros do xurado, xunto coa secretaria da Xunta Directiva de Alumni USC (con voz pero sen voto), reuníronse o 13 de abril para emitir o seu ditame. 

Acordaron, por unanimidade, conceder un único galardón, dotado 500 euros patrocinados polo compostelán Instituto Policlínico La Rosaleda ao relato n.º 9, “Paxaros caídos”, presentado baixo o pseudónimo “Sergude”, que ao abrir a plica resultou ser da autoría de Rocío Leira Castro, de Pereiriña (Cee-A Coruña). O xurado resaltou a boa planificación da historia xa que, pese á súa brevidade, consegue comunicar a historia e as emocións con gran precisión; e valorou a súa coidada estética, carente de artificios e de fórmulas rebuscadas; o emprego dun léxico elaborado e dun estilo no que se xoga con arquetipos fixados na cultura occidental, sobre todo a través de relatos infantís (caso do soldadiño de chumbo e da bailarina); a boa conxugación das disciplinas da música e a literatura, por medio da integración da música dentro da prosa e dos contidos da historia; e o final suxestivo, que posibilita o lector a reflexionar sobre a temática abordada e a repensar no final proposto para o relato. 

O 22 de maio celebrouse o acto de entrega do XII Premio de Relato Curto. Rafael Silva entregou o premio, a autora leu o relato premiado e Héctor Cajaravillle falou sobre o subxénero "relato curto".

                 

      

 

Mesa redonda PROYDE

Alumni USC sumouse aos actos conmemorativos do 30º aniversario da ONGD PROYDE (Promoción y Desarrollo) cunha mesa redonda na que participaron os relatores Alfonso Vázquez Ruzo (delegado de Proyde en Galicia e mestre no colexio La Inmaculada de Santiago de Compostela), Amalia Soneira Agulla (delegada de PROYDE e mestra de Primaria no colexio La Salle de Santiago de Compostela) e Manuel Carreira Sebio (frade santiagués e misioneiro en Guinea Ecuatorial), moderados polo vogal de Alumni USC Manuel Fraga Carou.

      

 

 

Conferencia de Marta Ramos Goicoa

Esta licenciada en Psicoloxía pola USC, Grao en Psicoloxía pola USC, Diplomada en Estudos Avanzados en Neurociencias (ámbito neurodexeneración) e Posgrao Oficial en Xerontoloxía pola USC, que actualmente está a realizar a súa tese de doutoramento sobre a actividade electrofisiolóxica en persoas maiores sas e con deterioro cognitivo leve, impartiu a conferencia “Demencia ou Alzheimer” no Salón de Actos da Casa do Saber (USC, Campus de Lugo) o 13 de abril de 2018, ás 18 horas. 

                  

    

 

Conferencia de Rosa Calvo de Anta

A catedrática de Edafoloxía e Química Agrícola da USC e socia de Alumni USC, Rosa Calvo de Anta, impartiu o 11 de abril a conferencia intitulada "Galicia y los sistemas forestales: una ecuación compleja", no Salón de Actos da facultade de Filosofía, ás 19 horas.

  

 

III EnMente (III Encontro de Intelixencia Emocional da USC)

O sábado 7 de abril de 2018, na facultade de Ciencias Económicas (USC, Campus Norte), de 9-15 horas, celebrouse con grande aceptación dos 160 matriculados esta actividade,

na que cada matriculado podía asistir a 6 obradoiros (a escoller). O prezo da matrícula: 30 € (ata 30 marzo) e 40 € (de 31 marzo a 6 abril), incluía a cuota a Alumni USC durante 12 meses.

http://www.crtvg.es/informativos/iii-encontro-de-intelixenica-emocional-da-universidade-de-santiago-de-compostela

            

 

Visitas teatralizadas ao Hostal dos Reis Católicos

No marco do 90º aniversario de Paradores, o Hostal dos Reis Católicos ofertou visitas teatralizadas, guiadas por Suso Martínez, caracterizado como Nicolás de Neira e Páramo, un dos administradores do Hospital Real no século XVIII. Dous grupos de soci@s de Alumni USC percorreron os días 6 e 13 da abril, durante noventa minutos, dependencias abertas ao público só para conmemorar o citado 90º aniversario.  

 

 

Charla sobre Ángela Ruiz Robles

A vida e obra da mestra, escritora e inventora da enciclopedia mecánica (considerada un antecedente do libro electrónico) foi lembrada pola súa neta Mª Luisa Souto Grandal a través dunha charla celebrada o 4 de abril de 2018, no Salón de Actos da facultade de Filosofía, ás 19 horas. A charla (coa que Alumni USC quixo contribuír a dar unha maior visibilidade a aquelas mulleres que desenvolveron un traballo importante nos ámbitos da cultura, a investigación etc.), contou coa colaboración da Oficina de Igualde de Xénero da USC, representada pola súa coordinadora, Eva Aguayo Lorenzo.

     

  

Seminario "Emprender e montar un negocio"

O 19 e 20 de marzo, o vogal da Xunta Directiva Víctor A. García Dopico (licenciado en Dereito pola USC e avogado en exercicio) impartiu este seminario con boa acollida por parte dos matriculados. Asistiu Eva López Barrio, directora de Women Emprende, que presentou o seu concurso de ideas.

Lembramos o Cartaz, Programa e Ficha

 

XXV aniversario da inauguración do Museo Casa de la Troya

Con motivo desta efeméride, ao longo de 2018, celebraranse varias actividades. A primeira delas foi un acto conmemorativo, celebrado o 27 de febreiro, ás 20 horas, no Auditorio do Museo das Peregrinacións e de Santiago (Praza de Praterías). O acto, moderado por Benigno Amor, principiou coas intervencións institucionais dos membros do Padroado da Casa de la Troya e, a seguir, estreouse o documental “A Compostela da Casa da Troya”, que, co fío condutor dunha historia de ficción, recolle intervencións de distintas persoas da cidade compostelá, que achegan a súa visión sobre o Museo.

                                  

                         

 

Conferencia de D. Xesús Alonso Montero

Don Xesús Alonso Montero pronunciou a conferencia “Ben-Cho-Shey: mestre, xornalista, etnógrafo, bibliófilo e quixote da falao sábado 16 de decembro, ás 12: 30 horas, no salón de actos da facultade de Filosofía (praza de Mazarelos).  Esta conferencia pechou o ciclo que dedicamos a conmemorar os 90 anos do Camiño de Ourense a Santo André de Teixido percorrido por Ramón Otero Pedrayo, Vicente Risco e Ben-Cho-Shey en 1927.

 

Área de Orientación Laboral da USC 

(Vicerreitoría de Estudantes, Cultura e Responsabilidade Social)
(Fai clic sobre o nome para ver as Ofertas de emprego) 

 

Contacto
Casa da Concha
Rúa da Conga, 1
15782-Santiago de Compostela
alumni@usc.es
Tfnos: 981 580 624
881 812 907 
Fax: 981 580 624
 
 

 isotipo-facebook

 

 

 

 logo issuu

 

 Linkedin

 

 

 

 Blog dos asociados

- El compostelano

- Ateneo fotográfico

- Don Manuel Sánchez Salorio